Thursday, December 30, 2010

෴හදවත ෴



තැලිලා පොඩිවෙලා තිබ්බ
වෙලාවක
හොරෙන්ම ලං වෙලා
තුවාල වලට බේත් දාන
මුවාවෙන්,
නුඹ කලේ තිබ්බ තුවාල
තව තවත්
පාරපු එකමයි කියලා 
මට තේරුම්
යද්දි,
රහසේම 
නුඹ ගිහින් ඉවරයි...

Saturday, December 25, 2010

෴ඉවරයි කියලා හිතුවාට ඉවර නෑ තව තියෙනවා෴

දේශන එහෙම ඉවර වෙලා කට්ටියම ලන්ච් එකට ගියා.අපි කෑම එකත් අරන් යන්න හදනකොට හසියා නෑ බැලින්නම් කට්ටියම කෑම ගත්තාම තව කීයක් ඉතුරුද කියල බලනවා.පෙනේද බඩජාරීකම. කොහොමින් හරි කැම 3ක් විතර කාලා ඒකත් මදි වෙලා අර කෑම දාලාතිබ්බ රිජිෆෝම් පෙට්ටියෙනුත් කෑල්ලක් කාලා.ලැජ්ජ නැතිකම කියන්නේ එක කාලා අපිට කියනවා මට කෑවා මදි වගේ නිසා මම ඒකත් කෑවා කියලා.කාලා ඉවර වෙලා කට්ටිය එක්ක සුහද සාකච්චාවක් දාගෙන ඉද්දි අපිට හමු උනා තිස්ස අයියාව.(දොඩං සීයාව )එයාත් එක්ක ෆොටෝ එකක්
 ගන්න හදද්දි මෙන්න බොලේ හසියා එක පාරටම ලොකු හුස්මක් ගත්තා.බලද්දි කාපු කෑමේ හැටියට උස්මුරුත්තාව හැදිලා හුස්ම හිර වෙලා.බොහොම අමාරුවෙන් පිටට ගහලායන්තම් බේරගත්තා අපි.ඒ අවස්ථාවේ ඇස් උඩ ගියපු හැති තමා ඔය පහතින් තියෙන්නේ..
 (හසියාගේ හුස්ම හිරවී ඇස් උඩ ගිය මොහොත)

හැමෝටම සමු දීලා පාරට ඇවිත් අපි බෝට්ටු පදින්න යන්න තීරණය කලා.හසියායි මායි එකට ගිය එක ගැන මම පුදුම බයකින් හිටියේ.. හදිස්සියේවත් මෙයාට බේරෙට පනින්න හිතුනොත් එහෙම කවුද ඔවාට අහු වෙන්නේ ලඟ හිටපු අහිංසක මමනේ.අනික මට යාන්තමට වගේ
 මතකයි හසියා දවසක් කිව්ව මාළුපාන් ගෙඩියක් කාලා බේරේට පනින්න ආසාවක් තියෙනවා කියලා.වෙලාවට මාලුපාන් කෑවේ නැත්තේ.බෝට්ටු පදිනකොට කාලා වැඩිකමට හසියාට කෙලින් ඉන්නත් බැරිව කකුල් දෙකෙන් වෙනුවට අත් දෙකෙන් තමා පැඩල් කරේ.ඒ අස්සේ මෙයාගේ බඩජාරිකමකියන්නේ හසියා මට කියනවා.හසී මට මේ මුලු බේරේම පේන්නේ කික් කෝලා වගේ.බොන්නමයි හිතෙන්නේ කියලා.අර කොන්ඩේ බැදපු චීනෙකුත් හිටියානේ.එයානම් බේරෙට පනින්නමයි ගියේ.මට පස්සේ හිතුනේ හිගන්නට චීන ටෝක්ස් දාන්න ගිහින් හිගන්නා තල්ලු කරන්නවත් හැදුවද දන්නේ නෑනේ. ඒක නිකම් හරියට හිගන්නාගේ බෝට්ටුවට චීනෙක් කඩා පැන්නා වගේ....
හික්ස් පොඩ්ඩයි පුබුදුයි කොච්චර විනීතව හැසිරුනාද කිව්වොත් එතන හිටපු කොකෙකුත්කොටන්න ආවා  දෙන්නාට.කොහොමින් හරි යහතින් ගොඩට බැහැලා කකුල් අමාරුව යන්න ටිකක් ඉදගෙනත් ඉදලා අපි එන්න පිටත් උනා.ඒ අස්සේ මෙන්න තිබහක් ඇවිත් මෙයාලට කික්ම
බොන්න ඕන කිව්වා,කික් තිබ්බ තැනක් හොයාගෙන ගියා ඒ පාර.මම ඔය කික් වලට නෑනේ ක්‍රිම් සෝඩා එකක් බීලා මම ෂේප් උනා.පුබුදුවානම් දෙක මරුවෙන් මාරුවට බිව්වා.පොඩ්ඩානම් දෙකම කලවම් කරලා බිව්වා.වැඩියෙන්ම බිව්වේ හසියා තමා.බෝතල් 3ක්ම බිව්වාද කොහෙද.කික් එක බීලා ආපු කික් එකෙන්ම පාරට ආපු හසියා කියනවා මාර වැඩේ පොලව ඇදයිනේ කියලා.ලයිට් කණුවක හැපෙන්න ගිහින් අනුනවයෙන් බේරුනේ.ඒ අස්සේ පොඩ්ඩා අඩනවා අනේ මාව කොටුවට ගිහින් දාන්න මම දන්නේනෑ යන්න කියලා.මේකාට කික් එකට වැඩි නිසා අපි කොටුවට ගිහින් බස් එකක නග්ගන්නත් වැඩි හොඳට හිගන්නාව
එයාත් එක්ක යවන්නත් තීරණය කලා.බොහෝම අමාරුවෙන් හසියාවත් බස් එකක නග්ගගෙන අපි මහරගම එන්න පිටත් උනා.අපොයි බස් එකේ එක විකාර‍යයි.හසියා උදේටත් වඩා හපන්.කෙල්ලන්ට ඇස් ගහනවා.එයාලාගේ බෑග් ගන්න යනවා.එයාල එක්ක බහින්න හදනවා.මෙහෙමත් ලැජ්ජා නැති වැඩ. පුබුදුයි මායි අමාරුවෙන් හසියාව කන්ට්‍රොල් කරගත්ත.පුබුදු ආවේ නැත්තම් මට වෙන්නේ හසියා එක්ක පොලෝසි යන්න නැත්නම් පිස්සන් කොටුවේ ඉන්න.මහරගමින් බැහැලා දෙන්නාටම සමු දීලා එන ගමන් මම නිකම් හැරිලා බලද්දී තමා ජොලි සීන් එකක් දැක්කේ.හසියා කික් වැඩිකමට බස් එක වටේ ඇවිදිනවා බස් එකට නගින්නේ නැතිව.මම හැරිලා එන්න හදද්දී මෙන්න යන්තම් බස් එකට නැග්ගා..මෙන්න විනාඩියක් යන්න කලින් ආයේ බිම.බැලින්නම් ඉස්සරහින් නැගලා පිටි පස්සෙන් බැහැලා.යන්තම් බස් එකේ නග්ගලා. කොන්දොස්තර මාමාට හසියාව බලාගන්න කියලා.මම ගෙදර ආවා.

 **************************************************
ගොඩාක් සතුටු දවසක් එදා..හසී කියලා කෑල්ලක් නමට නැතත් පුබුදු මල්ලී අපිට අපේම පවුලේ කෙනෙක් වගේ දැනුනා.ගෙට් එක සූදානම් කල එස්.බී.යු ඇඩ්මින්ලාට ස්තුති කරනගමන් එදා ආපු හැමෝවම අදුරගන්න ලැබීම සතුටක් කියලා මම මේ මඩ ගැහිල්ල නතර කරනවා.

ජය වේවා....!!!!!!!







හැමදෙනාටම සාමය සතුට පිරි ඉතිරීයන සුබම සුබ නත්තලක් වේවා...! 

ප.ලි - තව ඩින්ගෙන් අමතක වෙනවා.. සමහරු මඩ ගහයි කියලා බයේ තනියම නාගත්තා.. හික්ස්.. තවත් සමහරු චැට් එකේදී හම්බ වෙලා "අනේ මගේ සුදු නංගියෝ මඩ ගහන්න හිතේ කොනක හරි ආසාවක් තියේනම් මටනම් මඩ ගහන්න එපෝ...." කියලා කිව්වා.ඔන්න මම ඔයාට මඩ ගැහුවෙම නෑ..

෴හීනියට මඩක් ෴



අලෝ... කට්ටිය කොහොමද ඉතින්..
හැමෝම අහනවා හසියා අච්චර මඩ ගහද්දි ඇයි සද්ද නොකර ඉන්නේ කියලා... නොකිව්වාට මගෙත් කට කහන්න ගත්තා අර දුමී අයියාගේ වගේ..හසියා වගේ සැරටම නැතත්.. හීනියට මඩක් ගහන්න මටත් හිතුනා.. මම මේ හසියාගේ මඩ කෝච්චිය නවතිනකම් බලාහිටියේ.
අනේ ඉතින් මම අහිංසක ළමයානේ.. කට්ටිය තරහා ගන්න එපා ඔන්න...
(පොඩ්ඩෝ මොකෝ කියන්නේ අර එදා ඔයා දැක්ක කෙනා එක්ක සෙට් වෙලා හසියාට ගේමක් දෙමුද?

ආ.. මඩට පෙර කියන්න දෙයක් තියේ..
අපේ අයියාට මම අලියා කිව්වාට එදා ගෙට් එකට ආවාම මට තේරුනා
එයාට අලියා කියන එක ගැලපෙන්නේ නෑ කියලා..ඒක නිසා වෙන නමක් දාගන්නකම් අයියා කියන්නම තීරණය කලා.

ඔන්න ඉතින් ගෙට් එකට එන්න හසී පවුල එකතු කරගෙන එහෙම වෙලාවක් තැනක් දාගත්තා...අන්තිම මොහොතේ කථා හසියාට එන්න වෙන්නේ නෑ කිව්වා පන්සලේ වැඩකට යනවා කියලා..එයා ඉතින් පිනක් දහමක් කරන් ඉන්න අහිංසක කොළුවෙක් නේ..ඔන්න ඉතින් හසියා මහරගමට එනවා කිව්වා
මාව ගන්න.. හසියාට මම කිව්වා අයියා එක්ක එන්නේ කියලා, මෙන්න
 බොලේ හසියා එකපාරටම අඩන්න ගත්තා.. අනේ අලියා එක්ක එන්න එපෝ..මම බයායි කියලා...බොහොම අමරුවෙන් හසියාව සන්සුන් කරලා මම තේරුම් කලා එයා මාව මගට එක්කන් එන්නේ බයවෙන්න එපා කියලා.  
ඔන්න අයියායි මායි සුබ මොහොතින් අලි ට්‍රැවල්ස් එකේ නැගලා එද්දි මගෙ ෆෝන් එකට කෝල් එකක් එනවා.. බැලින්නම් මේ අපේ පොඩ්ඩා..
මෙන්න බොලේ කෝල් එක ආන්සර් කරපු ගමන් මේකා කෑ ගහනවා
අනේ බුදු අක්කේ මම දැනුයි ඇහැරුනේ..මාව දාලා යන්න එපා..මම දන්නේ කොටුවට එන්න විතරමයි කියලා.(මට මතක් උනා  Infotelබලන්න ගිය දවසේ මට පැය දෙකක කට්ටක් දීපු හැටි.අදත් ඒකම වෙයිද කියලාත් හිතුනා)මම කිව්වා හරි හරි ඉක්මනින් ලෑස්තිවෙලා එන්න කියලා.
මහරගමින් සෙට් වෙලා බස් එකට නගින්න යද්දී මෙන්න හසියා කෑගහනවා, අනේ  මට මේ බස් එකේ යන්න බෑ වෙන එකක යමු කියලා.බැලින්නම්ඒකේ හිටපු කාටදෝ බයවෙලා..(ඔය හසියා පොඩි කාලේ බත් කවලා තියෙන්නේ ඒපැත්තේ හිටපු මහත මනුස්සයෙක් පෙන්නලා, කෑවේ නැත්නම් එයා හසියාව ගිලියි කියලා.ඒවගේම කෙනෙක් බස් එකේ ඉදලා තමා මෙයා බය වෙලා තියෙන්නේ.)කොහොමින් හරි අන්තිමේ බස් එකක නැගලා ඉදගත්තා විතරයි හසියාගේ තියෙන කුකුල් ගතිය කියන්නේ බස් එක පුරා ඉන්න කෙල්ලන්ට ඇස් ගහනවා,අත වනනවා එක විකාරයි.මම ඉතින් හසියා එක්ක ආවේ නෑ වගේ හිටියා.නැත්නම් අන්තිමට මටත් ගුටි කන්න වෙනවා.ඒ අස්සේ පාරේ යන කෙල්ලන්ටත් අත වනනවා..මට නැගිටලා ගිහින් වෙන තැනකට යන්නමයි හිතුනේ.කොහොම හරි අන්තිමේ පෙටා වලට ඇවිත් අපි මගී පාලම උඩට ගියා..එතන තමා අපි කල් තියාම සෙට් වෙන්න තීරණය කලේ..
මෙන්න බොලේ එකපාරටම හසියා කියනවා අනේ හසී මට මේ හැමෝටම ඇහෙන්න සින්දුවක් කියන්න හිතෙනවා කියලා(හා හා ළමයි ඒ සින්දුව නෙමෙයි මේ ගීතයක් ගායනා කරන්න හිතිලා තියෙන්නේ..
අපෙ ජීව් අයියා කිව්වා වගේ) මම ඇත්තටම බය උනා මෙයා මෙතන සින්දු කිව්වොත්මාවත් එක්කම මිනිස්සු පිස්සන් කොටුවට ගෙනියයි කියලා.මම හසියාට නොදැනෙන්න ෂෙප් එකේ පාලමේ එහා කෙලවරට ගියා.ඔය අතරේ තමා අර කොන් වෙච්ච එක්කෙනා එයාගේ වෙන්ඩ වයිෆ් එක්ක ඔතනින් ගියේ.ටික වෙලාවකින් පොඩ්ඩාට හසියා කෝල් කලා එතකොට පොඩ්ඩා කිව්වා එයා ස්ටෙෂන් එක ඉස්සරහා ඉන්නවා එන්න කියලා.. ඒපාර අපි දෙන්න ගියා.අප්පේ එතනට යද්දි මෙන්න බොලේ කස්ටිය ගොඩයි එතන.මමනම් එතනින් දැනගෙන හිටියේ පුබුදුවාවයි , කණියා අයියාවයි විතරයි.
කොහොම හරි එතන ටිකක් ඉදලා අපි බස් එකේ නැගලා ආවා පරක්කු වෙන නිසා ඔන්න ඉතින් අර හිතින් නඩේ ගුරා වෙච්චි අපේ කණියා සහෝ එයාගේ GPS එකේ පිහිටෙන් අපිව දුර පාරකම එක්කන් ගියා..කොහොමින් හරි ගෙට් එක තියෙන් තැනත් හොයාගෙන් නම් එහෙම ලකුණු  කරලා අපි ඉදගත්තා. මෙන්න ටික වෙලාවකින් හසියා එකපාරටම නැගිටලා ගියා.. අර පොඩි කාලේ පීල්ලට ඔළුව අල්ලපු නිසා එයාට පිස්සු, හිටිගමන් පිස්සු තදවෙනවා.කොහේ හිටියත් පේන මානේක ඉන්න නිසා අපි වැඩිය හිතුවේ නෑ.හමුව පටන් අරන් එකිනෙකා හදුන්වා දෙන්න යනකොට මෙන්න බොලේ හසියා මයික් එක අරන් මෙහෙම
කියපි."මම තමා හසියා, මට ඔයාලට කියන්න වැදගත් දෙයක් තියේ මම අද ඉදන් හසී පවුලෙන් ඩිවෝස් උනා.අද ඉදන් මාරයා එක්ක වාසය කරන්න තීරණය කලා කියලා."තෙමිච්ච සීන් එක නිසා මෙයාට පිස්සු කියලා කට්ටියම දන්න හින්දා හොදයි.
 (හසියාගේ ප්‍රසිද්ධ දේශනය)
 (උපුටා ගැනීම සූර පප්පාගෙනී)

Wednesday, December 15, 2010

෴ පොඩි එකාට උනත් වෙනස තේරෙනවා.. හික්ස්෴


 
අම්මේ අම්මේ... අද ඉස්කෝලේදි මාර වැඩක් උනානේ....

මොකක්ද පුතේ...?

අර භාගයා ඉන්නේ.. අර අපේ පන්තියේ ඉන්න ලස්සන ළමයා....

ඔව්,ඉතින් මක් උනාද? එයා වැරැද්දක් කලාද?

නෑ නෑ අම්මේ.. අද අපිට මිස් වැඩක් දිලා ගියා. ඒක ඉවර වෙලා අපි කථා කර කර හිටියා..භාගයා ලඟ හැමදාම ඉදගන්නේ රුසිරුනේ.. අද එයා භාගයාගේ කරට අත දාගෙන හිටියා..

ඉතින් පුතේ හොඳ යාළුවෝ උනාම එහෙම තමා..

ඉන්නකෝ අම්මේ කියනකම්...

හ්ම්ම්..

ඊට පස්සේ එයා භාගයාව ඉම්බානේ අම්මේ...

පුතේ රුසිරුට නංගියෙක් ඇති..එයාට නංගිව මතක් වෙලා භාගයාව ඉබින්න ඇති...ඒකේ වැරැද්දක් නෑනේ..

(තරහින්) අනේ අම්මා දන්න තරම තමා ඔය.....

ඇයි පුතේ එහෙම කියන්නේ....?

අපෝ අම්මා ඒකවත් දන්නේ නෑනේ...

මොකක්ද?

ඒක තමා අම්මේ ලව් කියන්නේ..ඔයා ඒකවත් දන්නේ නෑනේ..






ප.ලි - තාම දෙක වසරේ ඉන්න පුංචි පුතෙක් කියපු කථාවක් තමා ඔය...අප්පා දැන් හැදෙන ළමයිනම් කියලා වැඩක් නෑ...

Friday, December 10, 2010

෴ දුක හිතුනාම෴


තරු ඇස් තියෙන
කටකාර දඟකාර
ලස්සනම ලස්සන 
පුංචි කුමාරයෙක්..
රෝසමලක් අරන් එනකම් 
බලා හිටියා මම..
මාස ගානක් පෙරුම් පුරලා 
හුරතල් කථා අහන්න
එකතු වෙලා සෙල්ලම් කරන්න
ආසාවෙන් බලා හිටියා මම..
එත්,
වැඩිහිටියන්ගේ ආඩම්බරය
කුහකකම නිසා 
අහිමි වෙලා මට 
ඒ පුංචි කුමාරයාව බලන්න..
එයාට මාව බලන්න එන්නත්..


සමහර වෙලාවට වැඩිහිටියන්ගේ බොරු මාන්නය,ආඩම්බරය, කුහකකම නිසා පුංචි ළමයින්ගේ ලස්සන ලෝකය නැතිවෙනවානේද? සල්ලි හැමදේම මනින මිම්ම උනාම ආදරේට තැනක් නැද්ද..පුංචි කුමාරයෙක්ට පුංචි කෙනෙක්ගේ ආදරය ලබන්න ඕන නැද්ද?

ප.ලි. - මගේ හිතේ ඇතිවෙච්ච හැඟීම් අකුරු කරන්න ගිහින් විකාරයක් ලිව්වාද මන්දා.එත් මිනිස්සු මෙච්චරටම නපුරු වෙනකොට රිදෙන, තැලෙන හිතක් සනසන්න මේ සටහන ලිව්වෙ.. කාට හරී මේක කියවලා කරදරයක් උනානම් සමාවෙන්න...

Thursday, December 2, 2010

෴ අමතකවීද නුබට෴



හමුවීමක් හා බැදී
වෙන්වීමක් තිබුනද
සදාකාලික නොවන
වෙන්වීමක් අපට
ඇති බව ඔබට
නොවැටහේද...


සොඳුරු හමුවන්
සොඳුරු මතකයන්
කෙසේ අමතකවීද ඔබට
ඔබේ සමුගැන්ම හා 
මගේ සමුගැන්මද බැදී 
ඇති බව අමතකවීද ඔබට

Thursday, November 25, 2010

෴ප්‍රථම හමුව෴



දරා දසමසක් කුස තුල
නොවැදුවද එක් මවකගේ කුසින්
මුණ ගැසී ජාලය තුල
බැඳුනි සහෝදර බැඳීමක
කිසි දිනෙක නොවෙනස් වන...
දහසක් පෙරුම් පුරා
මුණ ගැසී දිනක
ලද සතුට කෙසේනම්
පවසන්නද
තිබුනු එකම අඩුව නුබ පමණයි
පුංචි සොයුර
ආදරයත් සතුටත් පිරි නැවත හමුවක්
එනතුරු බලා සිටිමි මම
 

*******************************************

පොඩ්ඩෝ ඔයා නැති අඩුව ගොඩාක් දැනුනා..මේක ලිව්වේ ඔයාලට.මගේම සහෝදරයෝ තුන්දෙනාට.ඒ දවස අමතක වෙන්නේ නෑ කවදාවත්.කථා ලියන්න ගොඩාක් හපන්නු වෙච්ච අයියාටයි මල්ලිටයි ඉඩ දීලා පුංචි නිසදසක් ලිව්වා..මගේ හිතේ තියෙන හැගීම් වචන වලට පෙරලන්න අමාරුයි..ආයෙත් හමුවෙමු...බුදු සරණයි....!

Sunday, November 21, 2010

෴ හෆොයි෴


එදා මහ අඳුරු හැන්දෑවක්... මම වැඩ ඇරිලා ගෙදර එන්න පරක්කු උනා වෙනදටත් වඩා... කළුවරත් වැටිලා.. යන්තම් දගලලා බස් එකෙන් බැහැගෙන මම වටපිට බැලුවේ අම්මා ඇවිත්ද කියලා.මම හවස 6.15 වෙද්දි ආවේ නැත්නම් අම්මා හැමදාම හන්දියට එනවා.මොකද මම හන්දියේ ඉදන් තනියම එනවානම් වෙලවල් දෙකක් පාස් කරන් එන්න වෙනවා.ඒ හරිය පාළු නිසා අම්මා එනවා.
මම ටිකක් ඉස්සරහට අවිදගෙන එනකොට ඈත කවුද එනවා දැක්කා...ටිකක් ළඟට ඇවිත් බැලුවාම ඒ අපේ අම්මා..ඒ පාර ඉතින් මම සුපුරුදු පරිදි දවසේ විස්තර ප්‍රචාරයේ යෙදුනා..දැන් ඉතින් අපි දෙන්නා ටිකෙන් ටික වෙල කිට්ටුවටත් ආවා.ඒ වෙල ලඟම පිං ළිඳක් තියෙනවා..එතන ලයිට් එකක් තිබ්බාට ඒක කවදාවත් වැඩ කරන්නේ නෑ.. ගොඩාක් කළුවර තැනක්.එතන හොල්මන් තියෙනවා කියලා විශ්වාසෙකුත් තියෙනවා..පාරේ කවුරුවත් නෑ..ඈතින් පොඩි එලියක් පෙනුනා..මම ඉතින් නන්ස්ටොප් කියව කියව එනවා..වෙල පටන් ගන්න තැනට ආවා විතරයි...,  ඔන්න එතකොට තමා භයානකම දේ සිද්ද උනේ..
 

***********************************************************************************
 
එකපාරටම අර එලිය වැඩි උනා.... මෝටර් සයිකලයක් අපේ දිහාට එනවා..ඒකේ එලිය තමා අපි දැකලා තියෙන්නේ.ඒ මෝටර් බයිසිකල් එක අපිව පාස් කරගෙන යනවත් එක්කම ඒකේ ආපු මිනිහා මගේ බෙල්ල දිහාවට අත දාලා එක පාරට ඇදලා ගත්තා.මට බයට කෑගෑහුනා.අම්මත් බයවෙලා..බැලුවාම මේ හොරෙක්.. 



මගේ චේන් එක කඩාගන්න තමා හදලා තියෙන්නේ.මම කොහොමත් රත්තරන් බඩු දාන කෙනෙක් නෙමෙයි.කරාඹු දෙක විතරයි දාන්නේ.. අන්තිමට මගේ මාලේ කඩාගන්න ආපු හොරාට නෝන්ඩි වෙලා හිස් අතින්ම යන්න උනා...මට ගෙදර එනකම් මැරෙන්න හිනා.. හරියට අපේ චූටි මහත්තයාට වගේ...හික් හික් හික්


ප.ලි - මේ සිද්දියෙන් පස්සේ අපේ තාත්තා හැමදාම 6 වෙනකොට අම්මාව එවනවා මාව එක්කගෙන එන්න...

Tuesday, November 16, 2010

෴සීතල රැයක෴



මහ වැසි ඇද වැටෙන,
සීතල රැයක,
වැටෙන වැහි බිදු දෙස බලමින්,
ආසයි කථා කරන්නට
ඔබ සමඟ,
උණුසුම් කෝපි කෝප්පයක් 
රසවිඳිමින්...

Sunday, November 7, 2010

෴අලෝ.................... ෴

අලෝ .... කොහොමද  කට්ටියට?

ඉතින් ඉතින් සැප සනීප කොහොමද?

අනේ බලන්නකෝ වෙලා තියෙන දෙයක්.. මම ගෙදර නැති අතරේ අපේ හසී පවුලේ අයියායි මල්ලිලා දෙන්නායි හොඳටම  අඩලානේ..ඔයාලා එයාලව නැලෙව්වේ නැද්ද? පව්නේ අනේ... බලන්න මම දවසක් නැති උන ගමන් වෙලා තියෙන දේවල්...

හ්ම්ම්ම්....

දවස් දෙකකට පස්සේ අද තමා මම ගෙදර ආවේ...මේක තමා පලවෙනි උපන්දිනේ  මම ගෙදර හිටියේ නැති... ඇත්තටම හදිස්සියේම මම අපේ අක්කලාගේ ගෙදර ගියා.. එයාලගේ ගෙවල් ලඟ ආරාමයක් තියෙනවා.එහේ පළවෙනි කටින පින්කම තිබ්බා.හදිස්සියේම ඒකට ගියා.. අලුත්ම අත්දැකීමක් ඒක.. අද ගෙදර ආපු ගමන් දුවගෙන ආවේ කම්පි‍යුටර් එක ලඟට...මගේ සහෝදරයන්ගේ වැඩ දැක්කාම ලොකූ සතුටක් දැනුනා...
ඉතින් මම මේ වෙලාවේ හැමෝටම ස්තුතිවන්ත වෙනවා.. මට සුබ පතපු මගේ හසී පවුලේ සහෝදරයෝ 3න් දෙනාට.. බ්ලොග් අවකාශයේ සියලුම සහෝදර සහෝදරියන්ට..මගේ යාලුවෝ ඔක්කෝටම ගොඩාක් ස්තුතියි!




කස්ටියම කේක් ඉල්ලනවා දැක්ක වෙලාවේ ඉදන්.. ඔන්න ඔයලා කැමති විදියට කන්න මම රසට හැදුවා..
 මදිද? ආ.. මෙන්න තවත්.....




දැන් කට්ටියටම කාලා බඩ පිරිලත් ඇතිනේ.. අපි බීම එකකුත් බොමු එහෙනම්...(සැර ජාතිනම් නෑ.රසම රස බීම එකක් හැදුවා)


සැ.යු - අපේ අයියලා මල්ලිලා මගේ වයස වැරදියට දාලානේ.. ටයිපින් මිස්ටේක් එකක් වෙන්න ඇති.. මට අවුරුදු 22යි.....

Monday, November 1, 2010

෴ අහිමි වු උණුසුම ෴


නෙතු නිදිවරා
නුඹ එනතුරු මා
බලා සිටිනමුත්...,
මටද රහසේ පැමින
සැතපී සුව සිහින නුඹ දකී...,
සුසුමන් සලා මා නිදි දෙව්
තුරුලට ගියද,
අහිමි වු උණුසුම
සොයයි නිති මා සිත..,

Sunday, October 31, 2010

෴එන්න රහසක් කියන්න෴

එන්න එන්න...
ෂ්ෂ්ෂ්..... වැඩිය සද්ද කරන්න එපා....

අද අපි කට්ටියම එකතුවෙලා කෙනෙක්ව පුදුම කරමුද?

කාවද? කෝ කාවද?

අර ඉන්නේ දැක්කාද?




ෂ්ෂ්ෂ් කෑගහන්න එපා..එයාට ඇහෙයි..

(කට්ටියට රහසින්)අද එයාගේ උපන්දිනේ අපි එකතුවෙලා හොරෙන් හොරෙන් ගිහින් එක පාරටම කෑගහලා විෂ් කරමු...
එහෙනම් කට්ටිය ලැස්තියිනේ... ඔන්න
එකා....යි
දෙකා....යි
තුනා....යි 


හා දැන් තාලේට කියමු..

 
හැපි බර්ත්ඩේ ටූ ‍යූ
හැපි බර්ත්ඩේ ටූ ‍යූ
හැපි බර්ත්ඩේ ඩියර් හසියෝ..
හැපි බර්ත්ඩේ ටූ ‍යූ...





එන්න එන්න කට්ටියම කේක් කන්න...................





එන්න මල්ලි එන්න නංගි නැගිටලා
මෙන්න අයියේ මෙන්න අක්කේ රස කථා
කේක් ගෙඩිය කපලා ගන්න
බීම එකක් හදලා බොන්න
එන්න මල්ලි එන්න නංගි නැගිටලා
එන්න අයියේ එන්න අක්කේ හැඩදමා
එලි වෙනකම් සින්දු කියමු රොක් වෙලා
ලෝකේ තියෙන හොදම පාටිය
එලි වෙනකම් අපේ ජොලිය
ගන්න කේක් ගන්න කේක් එක් වෙලා...

**************************************************************


දිගු ජීවන ගමන් මඟේ
විසි දෙවන සැතපුම් කණුව පසුකරන
අපගේ ආදරණීය සොහොයුරාට
සියලුම පැතුම් ඉටුවන
සුබම සුබ උපන්දිනයක් වේවා...!!

මුලු හදවතින්ම සුබපතන
අපි
෴සාඩම්බර හසී පවුල෴

Wednesday, October 13, 2010

෴පුංචි මල මමයි෴



පාළුවට ගිය බිම් කඩක් මැද
නුබ වෙනුවෙන්ම පිපුනු
පුංචි මල මමයි...
නුබේ දිවියම සුවදවත්
කරන්නට පිපුනු
පුංචි මල මමයි....
නෙලාගන්නට හැකිව තිබුනද
වෙනත් බසකට රැවටී
නුබ නෙලා නොගත්
ඒ පුංචි මල මමයි....
නැවත පැමිණ නෙලාගන්නට
සෙවුවද
වෙනත් කෙනෙකු නෙලාගත්
ඒ පුංචි මල මමයි....

Wednesday, October 6, 2010

෴ දුටු තැන අල්ලනු.....!!! ෴



අසවු අසවු ඉහත රූපයේ සිටින සොර දෙටුවා දුටු තැන අල්ලන ලෙස හසී පවුලේ උසාවිය නියෝග කර ඇත.අද දින (06/10/2010) මොහුගේ වයස 21 සම්පුර්ණ වන බැවින් මොහු දුටු තැන අල්ලා කේක් ලබා ගන්නා ලෙස මේ අඬ බෙරයෙන් දැනුම් දෙමු.

(ඩුම් ඩුම් ඩුම්..........)

෴ ~~~~~~ ෴


ප.ලි. :


(මෙහෙමයි අපි අපේ කතා හසීගේ උපන්දිනේ සැමරුවේ)

දිවිමගේ තවත් එක් පියවරක් ඉදිරියට තබන අපේ සොහොයුරාට සුභ උපන් දිනයක් වේවා......!!!



හදවතින් සහ බොක්කෙන් සුභ පතන
අපි
සාඩම්බර හසී පවුලේ සාමාජිකයෝ


Friday, September 24, 2010

෴ ආසයි මම෴


සිහින් පොද වැස්සක,
ඔබේ සුරතේ එල්ලි,
ඇවිදයන්නට ආසයි මම....
මුහුණ පුරා වැටෙන දිය බිඳු,
ඔබේ පපුවේ හොවා ,
පිසලන්නට ආසයි මම....
ඔබේ උරපතු මත,
හිස තියාන,
ඉන්නට ආසයි මම....

Thursday, September 9, 2010

෴ සුභ උපන්දිනක් වේවා......!!! ෴





මල් ලොවට පිපි එන රතු රොස් මල වගේ
දෙවු ලොවට පා තැබුව හිම කුමාරිය වගේ
බ්ලොග් ලොවට කැලෙන් ආ සුදු පුළුන් හාවිගේ
උපන් දින සැමරුමට මෙන්න පැතුමක් අපේ.......



අද ඉතිං මේ අපේ පැන පැන යන හා පැටික්කිගේ උපන්දිනේ නොවැ.....ඉතිං අපි හිතුවා බ්ලොග් අවකා‍ශයේ ඉන්න කෂ්ටියත් එකතු කරගෙන අපේ හා පැටික්කිට සුභ පතන්න.......

කෝ එහෙනම් කට්ටිය දෙන්න බලන්න අත් හොදට උස්සලා අත්පුඩියක්........හරි හරි බොහෝමත්ම ස්තූතියි...දැන් කට්ටියම එකතු වෙලා හා පැටික්කි ඉටි පන්දම් නිමනකොට කියන්න අපිත් එක්ක හයියෙන් කෑගහලා.....




" හැපි බර්ත් ඩේ ටූ යූ......
හැපි බර්ත් ඩේ ටූ යූ......
හැපි බර්ත් ඩේ ඩියර් හා පැටික්කි......
හැපි බර්ත් ඩේ ටූ.... යූ......!!! "


ආ....නියමායි නියමායි.......

හා පැටික්කිගේ හා හදවතේ තියෙන සියළුම පැතුම් ඉටුවෙන්නත්‍‍‍...අනාගතය හිතනවටත් වඩා සාර්ථක වෙන්නත්....ඊයේ පෙරේදා ලියලා ඉවර වුන අ.පො.ස. උ.පෙ. ත් හිතනවටත් වඩා හොදට (පියාඹන පාට සහිතව) පාස් වෙන්නත්....අපි සමගම බ්ලොග් අවකාශය තුල පැන පැන යමින් චිරාත් කාලයක් ලිපි ලියන්නත්....ශක්තිය ධෛර්යය ලැබෙන්න කියලත්....අපි හැමෝම මුළු හදවතින්ම සුභ පතනවා.....


පැන පැන යන අපේ හා පැටික්කිට සුභම සුභ උපන්දිනයක් වේවා.......!!!



මෙන්න අපෙන් තෑගී.........

බ්ලොග් අවකාශයේ
සැරිසරන විට හමුවූ,
අවිහිංසක, කටකාර,
කවිකාරියකි නුඹ,
විටෙක යෙහෙලියකි,
විටෙක නැගනියකි,
ජීවන මගේ තවත් එක්
පියවරක් ඉදිරියට තබන
අපගේ ආදරණීය සොහොයුරියට
උපන්දින සුබ පැතුම් ගෙන එමි මෙසේ...








දැන් කට්ටියට කවන එකයි ඇත්තේ කැරට්.....අහ් වැරදුනා කේක් කේක්.........



හා පැටික්කිගේ උපන් දිනය අමතක නොකල අපි.....



෴ සහෘද සිංහල බ්ලොග් කැල ෴
෴ සාඩම්බර හසී පවුල ෴
෴ වත් අක්කී ෴


Wednesday, September 1, 2010

✰✰✰ බලාපොරොත්තුවක්..✰✰✰


මේ දවස් ටිකේම ලඟට වෙලා
දැවටි දැවටි ඉඳලා..
ආයෙත් හමුවන බලාපොරොත්තුවෙන්
ඔයාට සමු දුන්නාට 
හිතට ලොකූ හිස් බවක් දැනෙනවා..
ආයේ ඉක්මනටම ඇවිත් යන්න එන්න
මම මග බලාගෙන ඉන්නවා...

Sunday, August 29, 2010

෴අපේ අලියා෴



"ඒ.... නංගි මෙහෙ එනවකෝ..."

"මොකද හලෝ බෙරිහන් දෙන්නේ..."

"ඉක්මනට එනවා"

"ඇයි අලියෝ...මොන කරදරයක්ද මන්දා.."

"මේ බලනවකෝ පට්ට බයික් එකක් තියෙනවා."

"හ්ම්ම්.."

උදේ පාන්දරම ජංජාලෙට රිංගගෙන අපේ අලියා (ආදරේට කියන්නේ) කෑ ගහන්නේ ඔහොම තමා.

දැන් කට්ටිය බලනවා ඇති මොකද මේ එක පාරටම කියලා.. හි හී

අද එයාගේ දවස... හ්ම්ම්.... ඔව්, අද එයාගේ උපන්දිනේ...
මේ පුංචි සටහන එයා වෙනුවෙන්.. පුංචී කාලේ ඉදන් රණ්ඩු වෙවී, යාළු වෙවී ඉන්න මගේම අයියා වෙනුවෙන්...

එයාට සුබම සුබ උපන්දිනයක් වේවා කියලා මම ප්‍රාර්ථනා කරනවා! 



Tuesday, August 24, 2010

```ආදරය```

 
විටක සිනහවකි..,
විටක කඳුලකි..,
විටක සතුටකි..,
විටක දුකකි..,
තවත් විටක කලකිරීමකි..,
එකම විදියක කොහෙත්ම නොසිටින නුඹ,
විසදා ගැනීමට නොහැකි 
සංකීර්ණ ප්‍රෙහේලිකාවකි.........

Monday, August 16, 2010

εїз ෴පුංචි මල් පොකුර෴ εїз


හිමිදිරියේ හිරු කිරණින් අවදිව,
පිනි බිඳුවෙන් මුව දොවාන,
පිපුනු පුංචි මල් පොකුර,
සවසට බුදු සමිඳුන් ඉදිරියේ
පරවී යන අයුරු දැක
මෙනෙහි කලමි
ජීවිතයේ අනියත බව......


(මේ පින්තූරේ මට දුන්නේ ෴හසියා෴.තැන්කූ ඔයාට!)

Wednesday, August 11, 2010

පුංචි මාළුවා....



මම පුංචිම පුංචි මාළුවෙක්..මම ඉන්නේ වැවක.මමයි මගේ යාළුවොයි හැමදාම මේ වැවේ හැම තැනම පීනනවා..ඔයාලා වගේම තමයි අපිත් සෙල්ලම් කරනවා.හැංගිමුතෝ කරනවා, තරගෙට පීනනවා..... ඔන්න ඉතින් දවසක් අපි පුරුදු විදියටම සෙල්ලම් කර කර හිටියා....එකපාරටම අපිව දැලකට පැටලුනා..අනේ පීනගන්නත් බැ.හිරවෙලා අපි ඔක්කොම.මම හයියෙන් කෑගැහුවා."අම්මේ... අනේ මාව බේරගන්න" කියලා...අපේ අම්මා සද්දේ ඇහිලා ආවා.එත් එයා කියලා මොනවා කරන්නද? 
මෙන්න එක පාරටම දැල හෙල්ලෙනවා...අනේ අපිව ගොඩට අදිනවා වගේ.. "අනේ අම්මේ..." මම ආයෙත් කෑ ගැහුවා..මම බය වැඩිකමටම තදින් ඇස් දෙක පියාගත්තා. අම්මෝ පුදුම රස්නයක්.. මම හිමින් හිමින් ඇස් ඇරලා බැලුවා.මම ඉන්නේ ගිනි අව්වට කරකුට්ටන් වෙච්ච  තණකොල ගොඩක..මගේ යාලුවොත් තැනින් තැන වැටිලා ඉන්නවා..පුදුම රස්න‍යක්.මනුස්සයෙක් දැල දිග ඇරලා අපිව ආයෙමත් අර තණකොල ගොඩටම දැම්මා..මුළු ඇඟම පිච්චෙනවා..අනේ අපිව බේරගන්න කවුරුත්ම නැද්ද? අපිට වතුරේ ඉන්න නොදි ගොඩට ඇදලා ගත්ත මනුස්සයා පේන්නත්නෑ.. මම ආයෙමත් අමාරුවෙන් වටපිට බැලුවා.මෙන්න ඒ මනුස්සයා බයිසිකලේකුත් තල්ලු කරන් යන්න යනවා..අනේ අසරණ අපිට ඉන්න නොදී ගොඩට ඇදලා ගත්තේ විකුනන්නනේ.. එත් මේ මනුස්සයා අපි පොඩි නිසා අපිව මේ ගිනි අව්වේ දාලා යනවා."අනේ අපිව වතුරට දාලා යන්නකෝ......." අනේ.... මට කැ ගහන්නත් අමාරුයි.මගේ යාළුවෝ දඟලනවා.. එත් අපිව බේරගන්න කවුරුවත්ම නෑ.එත් කාට හරි ඇහෙයි කියලා හිතලා මම දිගටම කැ ගැහුවා...මගේ යාලුවන්ගේ දැඟලිලත් නැතිවෙලා.. අනේ.. මගේ යාළුවෝ මැරිලාද...මාවත් තව ටිකකින් මැරිලායයි..මම අමාරුවෙන් උනත් ආයෙමත් වටපිට බැලුවා..ඈතින් කවුදෝ එනවා පේනවා... "අනේ මාව බේරගන්න" මම මට පුළුවන් තරම් හයියෙන් කෑ ගැහුවා.මගේ ඇස් නිලංකාර වෙලා ගියා..මේ මගේ අවසානය තමයි මට එහෙම හිතුනා...
එත් එක පාරටම කවුදෝ මාව අල්ලනවා වගේ දැනුනා..මාව එකපාරටම උඩට ඉස්සුනා.හුළං පාරක් ඇඟට වැදුනා..හරිම සනීපයි..එක පාරටම මට තේරුනා මාව පාවෙලා යනවා වගේ.. "ජබුක්" දෙවියනේ මාව වතුරට වැටුනා..මට පුදුම සතුටක්  දැනුනේ..මම පීනගෙන උඩට ආවා කවුද මාව වතුරට වීසීකලේ බලන්න. ඔහ්! කවුද මගේ ඇඟට වැටුනා..මගේ යාළුවා.එයාවත් වතුරට දාලා.එයා මැරිලා නෑ.මට තවත් සතුටුයි.
මගේ ඇස් නිලංකාර වෙන්න කලින් මම දැක්කානේ කවුදෝ එනවා.එයා තමයි අපිව වතුරට දාලා තියෙන්නේ.... අර මෝඩ මනුස්සයා අපිව ගිනි අව්වේ දාලා ගියාට මේ හිත හොඳ කෙනා ඇවිත් අපිව බේරගත්තා.. මිනිස්සුන්ගේ හිතත් මහා පුදුමාකාරයි.එහෙම හිතලා එයාට පින් දෙනගමන් මමයි මගේ යාළුවෝ ටිකයි සතුටින් පීනගෙන අම්මලා ගාවට ගියා.

ප.ලි - මේක මම දැක්ක දෙයක්.. ඒ මොහොතේ මමත් එතන හිටියා.ඒ අනුව හිතුන දේ ලිව්වා.

Thursday, August 5, 2010

නොදැන උන්නේමි මා.....


කාටත් රහසේ මා හිමිකර ගන්නට
ඔබ පෙරුම් පිරූ වග,
නොදැන උන්නේමි මා..
කියාගත නොහැකිව හදේ තෙරපුන ආදරය
සුසුමන් හෙලා  සැහැල්ලු කර වග,
වසර ගණනක් ගෙවී ගියද නොදැන උන්නේමි මා..
අවසානයේදී ඔබ පැතු විලසම
සියලු බාධක අභිබවා හිමි වුනා ඔබට මා...

Monday, August 2, 2010

නුඹට නොදැනේ...



නුඹට නොදැනේ හදවත දවන වේදනාව
නුඹට නොපෙනේ තොරක් නොමැතිව ගලන කඳුළැලි
නුඹට පෙනුනේ එකම එක දෙයකි
නුබේ උසාවියේ මා සියල්ලටම වරදකරුවෙකි.

Friday, July 23, 2010

පොඩි එකාගේ ටිකිරි මොලේ...

අද කථාවක් කියන්න හිතුනා.
ඔන්න ඉතින් මම පන්ති ඉවර වෙලා ගෙදර එන්න කොහුවල හන්දියෙන් 120 බස් එකකට ගොඩ උනා.
ඉස්කෝල ඇරෙන වෙලාවනේ.සෙනග ගොඩේ මමත් යන්තම් ඉඩ තියෙන තැනකට ගියා.මම හිටගෙන ඉන්න තැන සීට් එකේ ලස්සන  කොළු පැංචෙකුයි එයාගේ අම්මයි වාඩි වෙලා හිටියා.. ඊට එහා පැත්තෙන් ටීච කෙනෙකුත් හිටියා..  ටික වෙලාවක ඉදන්  අර ටීචයි අම්මයි බර කථාවක.ඔන්න ටිකකින් අර කොළු පැංචාගෙන් ටීච මෙහෙම ඇහුවා.



ටීච : පුතාගේ නම මොකක්ද?
බබා : මගේ නම.....(මට හරියට නම ඇහුනේ නෑ)
ටීච :පුතාගේ ඉස්කෝලේ මොකක්ද?
බබා : ..... විද්‍යාලය
ටීච : ඔයා ඉන්නේ කීයේ පන්තියේද?
(පොඩි එකා ඇගිල්ලක් උස්සලා එකේ පන්තියේ කියලා පෙන්නුවා)
ටීච : එහෙම බෑ පුතා කටින් කියන්න
බබා : එක වසරේ..
දැන් පොඩි එකාට ටිකක් කේන්ති ගිහින්... පොඩ්ඩක් ඔරවගෙන වගේ හිටියා.
ටීච : මෙයාට තරහා යනවාද හැමවෙලාවෙම
අම්මා : නෑ හැමවෙලාවෙම නෑ.. සමහර වෙලාවටනම් තරහා ගන්නවා
ටීච :  මම නොම්බරයක් දෙන්නම් ඒකට කෝල් කරන්න මෙයාට තරහාගියාම.

පොඩි එකා දිහාවට හැරිලා ටීච මෙහෙම කිව්වා,

පුතා හොඳ ළමයි තරහාගන්නේ නෑ.. මම දන්න තැනක් තියෙනවා එතනට ගෙනත් තියෙන්නේ තරහාගන්න බබාලාව.එයාලාට හරියට කන්න දෙන්නේ නෑ. අම්මලාට එන්න දෙන්නෙත් නෑ.හොඳ ළමයි උනාම තමා ගෙදර අරින්නේ...

මෙන්න ඒ පාර අර කොළු පැංචා කියපි මෙහෙම,

"ආ... මම දන්නවා, පුංචි ළම‍යින්ට කරදර කරන අය ගැන කියන්න පෝන් නම්බර් එකක් තියෙනවා..
මම ඒකට කෝල් එකක් දීලා කියනවා ඔයා ගැන.."



කොහොමද පොඩි එකාගේ ටිකිරි මොලේ... :D
ලඟ හිටපු හැමෝටම හිනා..
(අපි පොඩි කාලේ ඔහොම කිව්වාම බයවෙනවා. ඒකට දැන් හැදෙන ළමයි... )

Friday, July 16, 2010

සමාවුව මැන.......


මේක මම ලිව්වේ ඉල්ලීමක් අනුව. බලාපොරොත්තු උන දේ මම ලිව්වාද කියලානම් දන්නේ නෑ... මේ සිතුවම ඇන්දේ අසිත අයියා. මේ අපුරු සිතුවමට ස්තුතියි අයියේ...

Wednesday, July 7, 2010

නුඹ කවුදෝ.....

සිතිවිලි අතරේ
දඟ කරමින්,
මුවඟට සිනහා කැන්දමින්
මගේ හද තුල
සැරිසරනා
නුඹ කවුදෝ...


Sunday, June 27, 2010

මහ මෙරක් වු ආදරය..


සතපවා සුව යහනක
සියලු දුක් දුරු කරන්නට
දිවා රැ ඔබේ අසලම රැදෙන්නම් මා...

ඔබේ දැසින් දෝර ගලනා
මහ මෙරක් වු ආදරයෙන්ම
සැනසෙන්නෙමි  මා සැමදා...

Saturday, June 19, 2010

෴ සාඩම්බර හසී පවුල ෴


මොකක්???? ෴ සාඩම්බර හසී පවුල ෴ මේ මොකක්ද මේ???

ඔයාලාට දැන් එහෙම හිතෙනවා ඇති නේද? මේක මේ බ්ලොග් අවකාශයේ ඉන්න හසීලගේ එකමුතුවක්... මේ දවස් වල හසීලාව පැටලෙනවනෙ හැමෝටම. ඔන්න ඉන්න හසියෝ ඔක්කොම එකතු කරන් අපි (හසී සහ හසියා) මුණු පොතේ ගෘප් එකක් හැදුවා... දෙන්නාටම එක පාරටම අදහස පහල උනේ පුදුමයි නේද? ඔය හසියෝ පැටලිලා හරි ජරමරනේ.. දවසක් රවා අයියගෙනුත් මම  බැනුම් අහුවා හසියාවයි මාවයි (හසී) පැටලිලා... (ඒදවස් වල අපි දෙන්නාම නම දාගෙන හිටියේ හසී කියලනේ) වත් අක්කිටත් අපිව ටැපලෙනව කිව්වානේ...තව කීදෙනෙක්ට ටැපලුනාද දන්නේ නෑ...
දැනට බ්ලොග් අවකාශයේ දන්න කියන හසියෝ ඉන්නේ හතර දෙනයි .. (හතර දෙනාම සූරයෝ වගේ...හික්ස්)

- මේ ඉතින් හසීගෙ සිතිවිලි ලියන මම තමා

- හසියාගේ නවාතැන කරන්නේ මෙයා තමා.අලුත් බ්ලොග් එකට මගෙන් සුබ පැතුම්!

- මේ අපේ ආගිය කථා ලියන හසියා

- මෙයා තමා අපේ පොඩි හසියා. පොඩි උනාට වැඩ කාරයා...

තව ඉන්නවාද? ඉන්නවානම් එන්න අපිත් එක්ක එකතු වෙන්න.අනිත් කට්ටියත් ඉතින් අපිට එකතු වෙන්න...
ඔන්න අපේ එක හසියෙක් කථාවක් දාල නේ අපේ ගෘප් එක ගැන..

එහෙනම් ඔයාලාට ඇරයුම් කරනවා අපේ  ෴ සාඩම්බර හසී පවුල ෴  ගෘප් එකට සහ පිටුවට එකතු වෙන්න කියලා....

මේ අපේ ගෘප් එක    ෴ සාඩම්බර හසී පවුල ෴
මේ අපේ පිටුව         ෴ සාඩම්බර හසී පවුල ෴

හසී පවුලට ජයවේවා! 

මම
෴ හසී෴
(සාඩම්බර හසී පවුලේ සාමාජික) 

Tuesday, June 15, 2010

ඇවිද යමි මා....

වැහි බර වූ අහස සේ
අඳුරු වු මගේ දිවිය
නැවත ගොඩනගන්නට
ඇවිද යමි මා ඉදිරියටම
කාලයා නම් වු වැලි තලාවේ
රහසින් වැටෙන කඳුලැලි සැමට සඟවා....




Friday, June 4, 2010

අපේ සංසාරය දිගයි...

ඉගිළී ඔබ වෙතට එන්නට
සිතට හිතුනත් හැමවෙලේ
ඉගිලෙන්නට බැරි තරම් දුර
ඇයිද ඔබ මා හැර ගියේ

ලොවේ කොතනක කෙලෙස උන්නද
ඔබට සැප සතුටම පතා
උදේ අරුණේ පළමු සිතිවිල්ලෙන්ම
ඔබ පිළිබඳ සිතා

වසර ගණනක් වෙන්ව උන්නද
තවම මගේ ලෝකය ඔබටයි
නැවත හමුවෙමු
බැඳෙමු ලංවෙමු
අපේ සංසාරය දිගයි




Friday, May 28, 2010

අපේ සුබ පැතුම....

අද මගේ අම්මාගෙයි තාත්තාගෙයි 32 වන විවාහ සංවත්සරය, මම ප්‍රාර්ථනා කරනවා මේ අවුරුදු 32 වගේම හැමදාම සතුටින්, ආදරයෙන් ඉන්න ලැබෙන්න කියලා.අම්මේ තාත්තේ ඔයාලා දෙන්නාට නිදුක්, නීරෝගී, ආදරේ, සතුට පිරුන දිගු ජිවිතේකට අයියාගෙනුයි මගෙනුයි සුබ පැතුම්!  අපි දෙන්නාම ඔයාලාට ගොඩාක් ආදරෙයි..!

ප.ලි (අයියායි මමයි වගේ පිස්සු ජෝඩුවක් මේ ලෝකේට දායාද කලාට ඔයාලාට පින්)

Thursday, May 20, 2010

පතමි සදාකාලිකව නුඹේම වන්නට......

රුදුරු කුණාටුවකින් සුනු විසුනු වී ගිය
මගේ දිවි‍යට
වසන්තය රැගෙන පැමිණි ඔබ,
කඳුලු වෙනුවට සිනහව උරුම කර
 රිදුනු සිත සෙනෙහසින් සුවපත් කරමින්
සදාකාලිකවම ලඟින් රැදෙන්නට,
පැමිණි නුඹව
අහිමි කර නොගනිමි කිසි දිනෙක
පතමි සදාකාලිකව නුඹේම වන්නට.......

Thursday, May 13, 2010

නුඹට සෙනෙහසින්....

මා අසළම  දිවා රෑ රැදෙමින්,
මගේ දෙනෙතේ කඳුළු පිසිමින්,
කඳුළු අතරින් සිනා වෙන්නට මඟ කියාදී,
මගේ දිවියට ආලෝකයක් වන නුඹට,
සෙනෙහසින් ලියමි පද පෙලක් මෙසේ........

Saturday, May 8, 2010

සිතිවිලි

කීමට ඇති මුත් බොහෝ දෑ
මගේ මුව ගොළු වී ඇත
හදේ තෙරපෙන සිතිවිලි
ලියමි මම
දකින්නට නුඹට
දිනක වැටහේවි නුඹට මා පෙම් කල තරම
එත් එදිනට නුඹ ප්‍රමාද වැඩි වේවි
හදවතින්ම පතමි නුඹට කිසිදු දුකක් නොවෙන්නට

Saturday, May 1, 2010

හිමිවීමම ආදරය නොවේ...

අදනම් කවියක් නෙමෙයි ලියන්නේ, ටික දවසක ඉදන් ලියන්න ඕන කියලා හිතුන දෙයක් මේක. මම මේ ලියන්නේ මට දැනුන දේ,

මේක "හිමිවීමම ආදරය නොවේ" මම දැක්කේ රූපවාහිනී නාලිකාවක අලුතින් පටන් ගන්න, හදන ටෙලි නාට්‍යයක තේමාව.....
ඒක ඇත්ත කියලා මට හිතුනා... ජීවිතේ සමහර වෙලාවට අපි කෙනෙක්ට ගොඩාක් ආදරේ කලත් එයාට එක තේරුම් ගන්න බෑ.
කොච්චර ලඟින් හිටියත් තේරෙන්නේ නෑ. එක සමහර විට දෙන්නාගේම නොලැබීම වෙන්න ඇති.. එකනේ හිමිවීමම ආදරය නොවේ කියන්නේ..ආදරේ අහිමි උනාම අපි ගොඩාක් දුක් වෙනවා. සමහර අය වැරදි තීරණ අරන් ජිවිතේ විනාස කර ගන්නවා..මගේ ආදරේත් මට නැති උනා, ඒ වෙලාවේ මමත් ගොඩක් හිතින් වැටුනා.
මම හොදට බලලා තියෙනවා මට ප්‍රශ්නයක් වෙන හැම වෙලාවෙම මගේ හොඳම යාළුවෝ මගේ ලඟින්ම ඉන්නවා,මම ප්‍රශ්නේක කියලා එයාලට නොකිව්වත් එයාලා එක දැනගන්නවා.සමහර විට  හොඳ යාළුවන්ගේ අතරේ තියෙන බැඳීම ඒක වෙන්න ඇති. ඒක වෙලාවකට මට හරි පුදුමයක්... මම පෙර ආත්මෙක ලොකු පිනක් කරන්න ඇති මේ වගේ හොඳම යාළුවෝ ටිකක් ලැබෙන්න.මම හිතින් වැටිලා ඉන්න වෙලාවේ මගේ ලඟින්ම හිටපු අදටත් ලඟටම වෙලා ඉන්න යාළුවෙක් මට කිව්වා අපිට දෙයක් අහිමි වෙනකොට ගොඩාක් වෙලාවට ඊටත් වඩා හොඳ දෙයක් අපිට ලැබෙනවා කියලා...ඒක එයා මට කිව්වේ අත්දැකීමෙන්, මම ඒක හොදටම දන්නවා...මොකද එයාගේ සමහර ප්‍රශ්න වලදි මම ලඟින්ම හිටපු නිසා.
එදාම මම කොහේ හරි දැක්කා කෙනෙකුට එක දොරක් වැහෙනකොට තව දොරවල් 100ක් ඇරෙනවා කියලා...ඒක ඇත්ත වෙන්න ඇති.ජිවිතේ එක දෙයක් අහිමි වෙන්නේ ඉදිරියෙදි ඊටත් වඩා හොඳ දෙයක් ලැබෙන්න තියෙන නිසා වෙන්න ඇති.
ඔය අතරේ තවත් යාළුවෙක් කිව්වා මට පොඩි කථාවක්.ඔයාලත් අහලා ඇති සමහරවිට.. අර කථාවක් තියෙන්නේ "කණ කැස්බෑවා විය සිදුරෙන් අහස බැලුවා වගේ" කියලා.මමත් ඕක අහලා තිබ්බාට ඕකේ නිදාන කථාව අහලා තිබ්බේ නෑ.එයා මට ජිවිතේ ගැන ගොඩාක් දේවල් කිව්වා, ඒකෙන් මගේ හිත හැදුනා.අලුත් ජිවිතයක් ලැබුනා.එයා මට කියලා දුන්නා මටත් දවසක් එයි කියලා මෙ අත්දැකීම කාත් එක්ක හරි බෙදාගෙන එයාගේ ජිවිතේ යහපත් කරන්න.
ඉතින් මේ සටහන කියවන කවුරුම හරි ජිවිතේට චුටි දෙයක් හරි එකතු කරගත්තනම් මට ගොඩාක් සතුටුයි. ඒ වගේම ඔයාලට හිතුන දේත් මට කියන්න.ඒ වගේම මගේ ලඟින් හිටපු යාළුවෝ හැමෝටම ගොඩාක් ස්තුතියි! ඔබේ අදහස් සඳහා විවෘතයි...

හිමිවීමම ආදරය නොවේ.

පුද්ගලයෙකුට එක් දොරක් වැසෙන විට තව දොරවල් සියයක් විවෘත වේ.

අපට දෙයක් අහිමි වන්නේ ඊටත්  වඩා වටිනා දෙයක් ලැබීමටයි.


Thursday, April 29, 2010

හැකිනම් මට දුව එන්නට........

හැකිනම් මට දුව එන්නට ඔබේ තුරුලට...
ඔබේ උරහිසේ හිස තියාන ගී ගයන්නට...
ඔබේ කොපුල් ආදරයෙන් සිපගන්නට...
ඔබේ පපුවට තුරුළුවී උණුසුම විඳින්නට...
ඔබත් එක්ක සිහින ලොවේ අනන්තයට පියා සලන්නට....
හැකිනම් මම දුව එමි ඔබ සමීප‍යට......

Tuesday, April 27, 2010

වගකීමට සිදුවේවි......

දන්නවාද?
වගකීමට සිදුවේවි නුඹලාට දිනෙක,
මගේ දෑසින් වැටෙන සෑම
කඳුළු බිඳුවක් පාසාම,
මගේ හදින් පිටවෙන හැම
සුසුමක් පාසාම,
කිමද...,
නුඹලා මගේ සතුට, මගේ ආදරය,
උදුරාගත් නිසා,
මගේ දෙමාපියන්ගේ හිත්
රිදවූ නිසා....